Verelq.am

[Mr Groong <groong.send@gmail.com>]

Verelq.am

Տեղի է ունեցել «Հակաականային գործունեության համակարգման ազգային հարթակ»-ի աշխատաժողովը

20.11.2024

Ս․թ նոյեմբերի 15-ին ականազերծման գործողությունների ազգային մարմին «Հումանիտար ականազերծման և փորձագիտական կենտրոն» ՊՈԱԿ-ը, ՄԱԿ-ի Զարգացման ծրագրի հետ կազմակերպել էր «Հակաականային գործունեության համակարգման ազգային հարթակ»-ի հերթական միջազգային համագործակցության աշխատաժողովը։

Միջոցառմանը ներկա էին ՀՀ նախարարությունների, ՄԱԿ-ի Զարգացման ծրագրի, ՄԱԿ-ի Պարենի համաշխարհային ծրագրի, միջազգային այլ կազմակերպությունների ներկայացուցիչներ, ՀՀ-ում հավատարմագրված դիվանագետներ, հակաականային գործունեության ոլորտի շահագրգիռ անձինք:

Աշխատաժողովի ընթացքում խոսքով հանդես են եկել «Հումանիտար ականազերծան և փորձագիտական կենտրոն»-ի տնօրեն Վաղինակ Սարգսյանը, Հայաստանում ՄԱԶԾ մշտական ներկայացուցիչ Նաթիա Նացվլիշվիլին, ՄԱԿ-ի Պարենի համաշխարհային ծրագրի հայաստանյան գրասենյակի տնօրեն Նաննա Սկաուն, Հայաստանում ՅՈՒՆԻՍԵՖ-ի Երեխաների պաշտպանության բաժնի ղեկավար Հայկ Խեմչյանը և այլ մասնակիցներ։

Տեսաներկայացման ձևաչափով 2024 թվականին կատարված աշխատանքները ներկայացրել են «ՀԱՓԿ»-ը և «ՀԱՓԿ»-ի հետ համագործակցող միջազգային կազմակերպությունները:

Աշխատաժողովի ավարտին, հարց ու պատասխանի միջոցով քննարկվել են հակաականային գործունեության արդի խնդիրները, պայթյունավտանգ զինամթերքներով աղտոտված տարածքների մաքրման առաջնահերթությունների համակարգման աշխատանքների ընթացակարգերը, շահագրգիռ կողմերի միջև մշտական կապի պահպանման ուղիները։

https://verelq.am/hy/node/153217?fbclid=IwY2xjawGrxXhleHRuA2FlbQIxMQABHRXK6gFrghy-qG5KmHnkA9zK9LN9DxImDnVtX_O2r6t9KFSv4P2KG5Qrcw_aem_R_FtuUGHSLLnYDYCjTnbBA

-- 
You received this message because you are subscribed to the Google Groups "GroongNews" group.
To unsubscribe from this group and stop receiving emails from it, send an email to GroongNews+unsubscribe@googlegroups.com.
To view this discussion visit https://groups.google.com/d/msgid/GroongNews/CAKve_%3D0LYySSMKE3-xeBWZAoS_RN3b8jxAduOMg3ZyA3K1qm4w%40mail.gmail.com.