Verelq.am
Ջերմաստիճանը կնվազի 4–6 աստիճանով․ Սպասվում է ձյուն
ՀՀ ՇՄՆ Հիդրոօդերևութաբանության և մոնիթորինգի կենտրոնը ներկայացնում է առաջիկա օրերի եղանակը։
Մայրաքաղաք Երևանում նոյեմբերի 20-ին կեսօրից հետո, 21-ի գիշերը հնարավոր է, 24-ի ուշ երեկոյան, 25-ին սպասվում է անձրև։ Նոյեմբերի 21-ի ցերեկը, 22-23-ին, 24-ի գիշերը սպասվում է առանց տեղումների եղանակ։
Այսօր ցերեկը մայրաքաղաքում սպասվում է +12․․․+14 աստիճան, առաջիկա երեք օրերին ջերմաստիճանն էապես չի փոխվի, իսկ կիրակի կցրտի մինչև +8…+10 աստիճան։
Հանրապետության տարածքում նոյեմբերի 20-ի ցերեկը, 21-ի գիշերը, 24-ին ուշ երեկոյան, 25-ին առանձին շրջաններում սպասվում են տեղումներ, լեռնային շրջաններում՝ ձյուն։ Նոյեմբերի 21-ի ցերեկը, 22-23-ին, 24-ի գիշերը սպասվում է առանց տեղումների եղանակ։
Քամին՝ հյուսիսարևմտյան` 2-5 մ/վ, նոյեմբերի 25-ին առանձին շրջաններում սպասվում է նաև քամու ուժգնացում մինչև 17-20մ/վ։
Օդի ջերմաստիճանը նոյեմբերի 25-ի ցերեկը կնվազի 4-6 աստիճանով։